काठमाडौं । अहिले तराईमा हुस्सु र कुहिरो लागेको छ भने पहाडी भू-भागमा आंशिकदेखि सामान्य बदली भइ अन्य भू-भागहरूमा मौसम सामान्यतया सफा रहेको छ । मौसम पूर्वानुमान महाशाखाका अनुसार हाल नेपालमा पश्चिमी न्यून चापीय रेखाको प्रभाव रहेको छ ।
आज दिउँसो सुदूरपश्चिम र कर्णाली प्रदेशमा आंशिकदेखि सामान्य बदली रही बाँकि पहाडी भू-भागमा आंशिक बदली हुनेछ । अन्य भू-भागहरुमा मौसम सामान्यतया सफा रहने जनाइएको छ ।
यसैगरी उच्च पहाडी तथा हिमाली भू-भागका केही स्थानहरुमा हल्का हिमपातको संभावना रहेको छ भने सुदूरपश्चिम र कर्णाली प्रदेशका थोरै स्थानमा हल्का वर्षाको सम्भावना रहेको महाशाखाले जनाएको छ ।
