अख्तियारका कार्यबाहक प्रमुख आयुक्त जोशीले दिए राजीनामा

काठमाडौं । अख्तियार दुरुपयोग अनुसन्धान आयोगका कार्यबाहक प्रमुख आयुक्त गणेशराज जोशीले राजीनामा दिएका छन् ।

बुधवार दिउँसो कार्यबाहक प्रमुख जोशीले राष्ट्रपति भण्डारीलाई राजीनामा पत्र बुझाएका हुन् ।

आज संवैधानिक परिषद्को सिफारिसमा राष्ट्रपति विद्यादेवी भण्डारीले अख्तियारका प्रमुख आयुक्तमा प्रेमकुमार राईलाई नियुक्त गरेकी छिन् । अख्तियारका प्रमुखमा राई आएसँगै कार्यबाहक जोशीले राजीनामा दिएका हुन् ।

त्यस्तै आज नै आज राष्ट्रपति विद्यादेवी भण्डारीले विभिन्न ११ संवैधानिक निकायका प्रमुख र पदाधिकारी गरी ३२ जनाको नियुक्ती गरिएको छ । त्यस्तै आज नै उनीहरुले पद तथा गोपनियताको शपथ ग्रहण गरेका छन् ।

यो खबर पढेर तपाईलाई कस्तो महसुस भयो ?