को हुन् अमेजनका नयाँ सीईओ बन्न लागेका एण्डी जेसी ?

काठमाडौं । अमेजनका संस्थापक जेफ बेजोस सीईओ पद छोड्दैछन् । उनको स्थानमा एण्डी जेसी नयाँ सीईओ बन्दैछन् । को हुन् त अमेजनको नयाँ सीईओ बन्न लागेका एण्डी जेसी ? यो जान्ने चाहना धेरैलाई छ ।

यसको बारेमा हामी तपाईलाई जानकारी दिनेछौँ । एण्डी जेसी अहिले अमेजन वेब सर्भिसेजका चीफ हुन् । ५३ वर्षका जेसीले १९९७ मा अमेजनमा प्रवेश गरेका थिए । उनले हार्वड बिजनेस स्कूलबाट एमबीए गरेका छन् ।

उनको विवाह रोचेले क्याप्लानसँग भएको थियो । उनीहरुका दुई बच्चा छन् । उनलाई खेल र म्यूजिक धेरै मन पर्छ । २००६ मा जेसीले अमेजनको क्लाउड सर्भिसेज प्लेटफर्म अमेजन वेब सर्भिसेजको स्थापना गरे ।

अमेजनका संस्थापक तथा संसारको सबैभन्दा धनी व्यक्ति जेफ बेजोसले कम्पनीको सीईओ पद छोड्दैछन् । उनले अबको तीम महिनामा सीईओ पद छोड्ने बताइसकेका छन् । उनी गत २६वर्ष यता सीईओको पदमा छन् ।

उनले अनलाइन बुक स्टोरको रुपमा यो कम्पनीको स्थापना गरेका थिए । अब उनी कम्पनीको कार्यकारी अध्यक्षको रुपमा मात्रै काम गर्नेछन् ।