जेफ बेजोसले सीईओ पद छोड्ने

काठमाडौं । अमेजनका संस्थापक जेफ बेजोसले यो वर्षको तेश्रो महिना तिर सीईओ पद छोड्ने बताएका छन् । उनले रिटायरमेण्टको कुरा भने खारेज गरेका छन् ।

उनको स्थानमा एण्डी जेसी नयाँ सीईओ हुनेछन् । बेजोस अब कार्यकारी अध्यक्ष बन्नेछन् ।

बेजोसले कर्मचारीलाई पत्र लेख्दै कम्पनीमा जेसीलाई नयाँ भूमिकाको लागि उनीमाथि भरोसा गरेको बताएका छन् ।

उनले जेसी एक राम्रो लीडर रहेको बताएका छन् । जेसी वर्तमानमा अमेजन वेब सर्भिसका प्रमुख हुन् ।

नयाँ सीईओ जेसीले अमेजनमा १९९७ मा मार्केटिङबाट करियरको शुरुवात गरेका थिए ।

२००३ मा कम्पनीमा क्लाउडको सेवा दिएका उनले एडब्ल्यूएसको शुरुवात गरे ।