काठमाडौं । कोपा इटालिया फुटबलको पहिलो सेमिफाइनलको पहिलो लेगमा युभेन्टसले जित हात पारेको छ । मंगलवार राति भएको खेलमा युभेन्टसले इन्टर मिलानविरुद्ध २-१ गोलको जित हात पारेको हो ।
खेलको नवौं मिनेटमा लाउटरो मार्टिनेजले गोल गर्दै टोलीलाई अग्रता दिलाएका थिए । खेलको २६ औं मिनेटमा रोनाल्डोले पेनाल्टीमा गोल गर्दै खेल १-१ को बराबरीमा ल्याए ।
त्यसपछि खेलको ३५ औं मिनेटमा रोनाल्डोले व्यक्तिगत दोस्रो गोल गर्दै युभेन्टसलाई २-१ को जित दिलाए ।
अब दुई टिमबीचको दोस्रो लेग १० फेब्रुअरीमा युभेन्टसको मैदानमा हुनेछ ।
- एजेन्सी
