काठमाडौं । सरकारले संवैधानिक निकायमा सिफारिस व्यक्तिहरूको शपथ ग्रहण आज बुधवार बिहान ९ बजे गराउने तयारी गरेको छ ।राष्ट्रपति विद्यादेवी भण्डारीका स्वकीय सचिव भेषराज अधिकारीले बुधबार शपथ ग्रहणको कार्यक्रम राष्ट्रपति कार्यालयमा राखिएको जानकारी दिए ।
आयोगका अध्यक्षलाई राष्ट्रपति विद्यादेवी भण्डारीको उपस्थितिमा प्रधानन्यायाधीश चोलेन्द्र शमशेर जबराले सपथ खुवाउने छन्। त्यस्तै, सदस्यलाई भने सोही आयोगका अध्यक्षले सपथ गराउनेछन्।
गत मंसिर ३० गते बसेको संवैधानिक परिषद बैठकले विभिन्न संवैधानिक निकाय र आयोगमा नियुक्तिका लागि ३८ जनाको नाम सिफारिस गरेको थियो ।
प्रतिनिधिसभा विघटन भएपछि अख्तियारदेखि मानवअधिकार आयोगसम्म नियुक्त भएका पदाधिकारीको सुनुवाइ भने हुन सकेको छैन । सुनुवाइ नभएपछि निर्णय भएको ४५ दिनपछि स्वतः नियुक्त हुने व्यवस्थाअनुसार सरकारले संवैधानिक निकायमा नियुक्त भएकाहरुलाई शपथ खुवाउने तयारी गरेको हो ।
