काठमाडौं – झापामा बसको ठक्करबाट आज (मंगलबार) एकजना पैदलयात्रीको मृत्यु भएको छ ।
झापाको बिर्तामोड नगरपालिका – १ स्थित पूर्वपश्चिम राजमार्गमा पूर्वबाट पश्चिमतर्फ जाँदै गरेको ना ६ ख १५२० नम्बरको बसले ठक्कर दिँदा बिर्तामोड नगरपालिका – ६ बुट्टाबारीका ३२ वर्षीय सागर मिश्रको मृत्यु भएको हो ।
बसको ठक्करबाट गम्भीर घाइते भएको उनको उपचारका लागि विर्तामोडस्थित विर्तासिटी अस्पताल पठाइएकोमा चिकित्सकले मृत घोषणा गरेका थिए ।
झापाका प्रहरी नायव उपरीक्षक राकेश थापाका अनुसार मिश्रलाई ठक्कर दिने बस र बसका चालकलाई नियन्त्रणमा लिएर थप अनुसन्धान भइरहेको प्रहरीले जनाएको छ ।
