काठमाडौं । साना तथा मझौला व्यवसायीहरुले बालुवाटारमा धर्ना दिएका छन् ।
व्यवसायीहरुले मौद्रिक नीतिमा आएको राहत प्याकेज कार्यान्वयनमा नआएको भन्दै बालुवाटारमा धर्ना दिएका हुन् । कोरोनाका कारण सम्पूर्ण व्यवसाय ध्वस्त भएपछि सरकारले राहत स्वरुप मौद्रिक नीति मार्फत राहत प्याकेज ल्याएको थियो । तर सो राहत प्याकेजको कार्यान्वयन नभएको भन्दै व्यवसायीहरु विरोधमा उत्रिएका हुन् ।
कोरोना महामारी पीडित सर्वपक्षिय पेशा व्यवसायी संघर्ष समितिको आह्वानमा मंगलबार बालुवाटार क्षेत्रमा सो धर्ना भएको हो । व्यवसायीले अर्थमन्त्रालय,राष्ट्र बैंक,संस्कृति, पर्यटन तथा नागरिक उड्डयन मनत्रालय लगायत निकायलाई समस्या समाधानका लागि पटक पटक आग्रह गर्दै आएका थिए । तर संबन्धीत निकायले वेवास्ता गरेको भन्दै राहत प्याकेज कार्यान्वयनका लागि विरोध गरेको व्यवसायीले बताएका छन् ।
ठुला उद्योग व्यवसायलाई मात्रै राहत उपलब्ध गराएको तर साना र मझौलाई वेवास्ता गरेको उनीको भनाई छ । त्यसैले विरोधमा उत्रिनुको विकल्प नभएको व्यवसायीको भनाई छ ।
