काठमाडौं । इन्टरनेशनल क्रिकेट काउन्सिल (आइसीसी) ले पहिलो प्लेयर अफ दि मन्थ अवार्डका लागि नोमिनेट भएका क्रिकेटर्सको लिस्ट जारी गरेको छ । पुरुष क्याटेगरीमा भारतका ऋषभ पन्त, इंग्ल्याण्डका जो रुट र आयरल्याण्डका पल स्टर्लिङ नोमिनेट भएका छन् ।
त्यस्तै महिला क्याटेगरीमा पाकिस्तानकी डायना बेग, दक्षिण अफ्रिकाकी शबनम इस्माइल र दक्षिण अफ्रिकाकै मारिजान क्याप रहेका छन् ।
जनवरमिा पन्तले अष्ट्रेलियाविरुद्ध सिड्नी टेस्टमा ९७ र ब्रिस्बेन टेस्टमा ८९ रनको पारी खेलेका थिए भने रुटले श्रीलंकाको विरुद्ध गलमा दुई टेस्ट म्याचमा २२८ र १८६ रन बनाएका थिए । त्यस्तै स्टर्लिङले यूएईविरुद्ध दुई र अफगानिस्तानविरुद्ध तीन वान डे इन्टरनेशनल म्याच खेलेका थिए । जसमा उनले तीन शतक बनाएका थिए ।
त्यस्तै महिला क्याटेगरीमा डायनाले दक्षिण अफ्रिाकाविरुद्ध तीन वान डे र दुई टी २० म्याचमा नौ विकेट लिएकी थिइन् ।
त्यस्तै साउथ अफ्रिकाकी इस्माइलले पाकिस्तानविरुद्ध वान डे सीरीजमा सात विकेट लिएपछि दोश्रो टी २० मा पाँच विकेट लिएकी थिइन् ।
क्यापले पाकिस्तानविरद्ध दुई वान डे र दुई टी २० मा ११०.५७ को स्ट्राइक रेटमा ११५ रन बनाएर तीन विकेट लिएकी थिइन् ।
आइसीसीले २७ जनवरीमा प्लेयर अफ दि मन्थ अवार्ड दिने घोषणा गरेको थियो ।
