बेलायतमा कोरोनाबाट मृत्यु हुनेको संख्या १ लाख नाघ्यो, जोनसन भन्छन्-‘सबै जिम्मेवारी म लिन्छु’

काठमाडौं । बेलायतमा कोरोना भाइरसका कारण ज्यान गुमाउनेको संख्या एक लाख नाघेको छ ।

बेलायतमा अहिलेसम्म १ लाख १६२ जनाको कोरोना भाइरसका कारण निधन भएको छ भने ३६ लाख ८९ हजार ७४६ जनालाई कोरोना संक्रमण भएको छ । यसलाई लिएर प्रधानमन्त्री बोरिस जोनसनले सार्वजनिक रुपमा जिम्मेवारी लिँदै दुख व्यक्त गरेका छन् ।

उनले यति धेरै मानिसको मृत्यु भएकोमा दुख मनाउँदै यो सबैको जिम्मेवारी लिने बताएका हुन् ।

उनले भने, ‘मलाई यसबाट धेरै दुख लागेको छ, म सबै मृतकप्रति समवेदना प्रकट गर्न चाहन्छु ।’