बालुवाटारमा भएको बल प्रयोगबाट दर्जन भन्दा बढी घाइते (भिडियो)

काठमाडौँ– ओलीले प्रतिनिधिसभा विघटन गरेको विरोधमा जारी वृहत् नागरिक आन्दोलनको क्रममा आज भएको मार्चपासमा प्रहरी दमन हुँदा एक दर्जन बढी नागरिक घाइते भएका छन् ।

बृहत नागरिक अभियानको तर्फबाट युव पाठकले जारी गरेको विज्ञप्तिमा प्रदर्शनमा सहभागी नागरिकहरूमाथि प्रहरीले प्रहार गरेको लाठी र पानीको फोहोराबाट दर्जनौँ नागरिकहरू घाइते उल्लेख गरिएको छ । घाइतेमध्ये संघर्ष दाहाल, कुमार बर्तौला, सिएन थारु, स्वर्णिम दिनेश, राम नरेश यादव, प्राध्यापक रमेश भट्टराई लगायतको काठमाडौँ मोडल अस्पताल, हेल्पीग ह्यान्ड्स र हिमाल हस्पिटलमा उपचार गरिएको छ ।

यस्तै गम्भीर घाइते भएका निर्गराज जैसी, जनक ढुङ्गाना, सुरज तामाङ, कुलदिप शर्मा, सुनिल श्रेष्ठ र गोविन्द भण्डारी शिक्षण अस्पतालमा उपचाररत छन् ।

घटनाको नेकपा प्रचण्ड-नेपाल समूहले पनि विरोध जनाएको छ ।