भारतले नेपाललाई कोरोनाविरुद्धको १० लाख डोज खोप उपलब्ध गराउने

काठमाडौं । भारत सरकारले नेपाललाई १० लाख डोज कोरोनाविरुद्धका खोप उपलब्ध गराउने निर्णय गरेको छ ।

बुधवार स्वास्थ्य तथा जनसंख्या मन्त्रालयमा आयोजित संयुक्त पत्रकार सम्मेलनमा स्वास्थ्यमन्त्री हृदेश त्रिपाठीले जानकारी गराएका हुन् । साथै उक्त खोप भोलि नै नेपाल आउने मन्त्री त्रिपाठीले बताए ।

उनका अनुसार उक्त खोप सर्वप्रथम कोरोनाविरुद्धको अग्रमोर्चामा रहेर काम गर्नेहरुलाई प्राथमिकता दिइनेछ । भारतले नेपाल लगायत अन्य भुलुकहरुलाई खोप उपलब्ध गराउने निर्णय गरेको थियो ।

खोप ल्याउँनका लागि नेपालले सम्पूर्ण तयारी पूरा गरेको समेत मन्त्री त्रिपाठीले जानकारी गराएका छन् ।

उक्त कार्यक्रममा नेपालका लागि भारतीय राजदूत विनयमोहन क्वात्रा लगायतको सहभागिता रहेको थियो ।