अछाम, १७ असोज ।सांसद जानकी साउद रावलले दुर्गम गाउँका लागि नयाँ एम्बुलेन्स खरिद गरेका छन ।रामारोशन गाउँपालिकास्थित भटाकाँटिया स्वास्थ्य चौकीका लागि एम्बुलेन्स खरिद गरिएको सांसद रावलले जानकारी दिए । अछामका दुर्गम ठाउँका बिरामीलाई स्वास्थ्य संस्थाले अन्यत्र उपचारका लागि सिफारिस गर्दा उपचार गर्न डोको तथा बोकेर लानुपर्ने समस्या समाधान होस् भन्ने उद्देश्यले एम्बुलेन्स ल्याइएको उनले बताए ।उनले भने, “आर्थिक वर्ष २०७३/७४ मा निर्वाचन क्षेत्र विकास कार्यक्रमअन्तर्गत एम्बुलेन्स खरिद गरिएको हो, एम्बुलेन्स अछाम पुगिसकेको छ अब केही दिनमै एम्बुलेन्स स्वास्थ्य चौकीलाई हस्तान्तरण गरिने छ ।उनले आव २०७१/७२ मा सांसद विकास कोषबाट स्वास्थ्य चौकी विनायकलाई एम्बुलेन्स उपलब्ध गराएका हुन । अछामको पूर्वी क्षेत्रमा एम्बुलेन्स सेवा शुरु भएपछि त्यहाँका बिरामीले जिल्ला अस्पताल अछाम, बयालपाटा अस्पताल, धनगढी, सुर्खेत, नेपालगञ्ज, काठमाडौँ र भारतसम्म सजिलै जान पाएका छन् ।अछाममा सबैभन्दा बढी महिलाले स्वास्थ्य समस्या भोग्नुपरेकाले सुत्केरी हुन नसकेर उपचारका लागि अन्यत्र सिफारिस भएका महिला तथा आपत्कालीन समस्यामा परेका जनतालाई एम्बुलेन्सबाट धेरै राहत पुग्नेछ । रामारोशन सांसद रावलको जन्म गाउँसमेत हो ।
यो खबर पढेर तपाईलाई कस्तो महसुस भयो ?
प्रतिक्रिया