स्पेनिस सुपर कप : उपाधिका लागि बार्सिलोना र एथ्लेटिक बिल्वाओ भिड्दै

काठमाडौं । स्पेनिस सुपर कपको उपाधिका लागि बार्सिलोना र एथ्लेटिक बिल्वाओ भिड्दै छन् । दुई टोली बीचकोखेल नेपाली समय अनुसार राति १ः४५ बजे हुनेछ ।

बिल्वाओलाई हराउदै बार्सिलोना सिजनको पहिलो उपाधि जित्ने दाउमा हुनेछ । तर, टोलीका कप्तान लियोनेल मेस्सीले बिल्वाओविरुद्ध खेल्ने सम्भावना न्युन छ । चोटका कारण मेस्सी प्रशिक्षणमा थिएनन् ।

टोलीसँग एन्टोइन ग्रिजमन, औसमाने डेम्वेले, मार्टिन ब्रेथवेट, फ्रान्की डि जोङ, सर्जियो बुस्क्वेट्स, पेड्री, जोर्डी अल्वा, क्लेमेन्ट लेङ्लेट, रोनाल्ड एराउजो, सर्जिनो डेस्ट र गोलरक्षक मार्क आन्दर टेर स्टेगन जस्ता खेलाडी रहेको छ ।

यता, एथ्लेटिक बिल्वाओ बार्सिलोनालाई पनि स्तब्ध पार्ने लक्ष्यमा हुनेछ । टोलीसँग राहुल गार्सिया, इनाकी विलियम्स, इकर मुनिएन, ड्यानी गार्सिया, ओस्कार डि मार्कोस, इनिगो मार्टिनेज, युनाइ नुनेज, एन्डर कापा र गोलरक्षक युनाई सिमोन रहेका छन् ।

• एजेन्सी