काठमाडौं । युवा लोक तथा दोहोरी गायक वसन्त विश्वकर्माले नयाँ गीत भागुम मायालु सार्वजनिक गरेका छन् । गीतले यूट्यूबमा राम्रो भ्यूअर्स प्राप्त गर्दै गईरहेको छ ।
तनहुँका सर्जक तथा गायक वसन्तले सार्वजनिक गरेको गीत ‘भागुम मायालु’ मा एक प्रेम जोडीको प्रेम सम्बन्धलाई प्रस्तुत गरिएको छ । जसमा प्रेमी, प्रेमिकाबीच भईरहेका सामाजिक र पारिवारिक बन्धनका गन्थनहरुलाई प्रस्तुत गरिएको छ । समसामयिक विषयवस्तुलाई जोडेर तयार गरिएको प्रस्तुत गीतमा बसन्त विश्वकर्मा र चर्चित गायिका रचना रिमालको आवाज रहेको छ । बसन्त विश्वकर्माकै शब्द अनि संगीत रहेको गीतको एरेन्ज कृष्ण वि।क। भान्जाले गरेका हुन ।
भागुम मायालुको चलदृश्यमा सुनिसा बजगाई र दिप सागरले अभिनय गरेका छन् । बसन्त विश्वकर्माले नै निर्देशन गरेको भिडियोलाई करन चैसिरले खिचेका हुन । गीत वसन्त विश्वकर्माको आफ्नै अफिसिएल यूटुव च्यानलबाट बजारमा आएको छ ।
प्रत्यक्ष दोहोरीमा अब्बल गायक बसन्तका यस अघि ‘कुखुराको भाले’, ‘नौजाले’, लगायतका गीतहरु चर्चित छन् ।
यो खबर पढेर तपाईलाई कस्तो महसुस भयो ?
प्रतिक्रिया