चीनमा कोरोनाको कहर : एकैदिन थपिए १४४ संक्रमित

काठमाडौं । चीनमा पछिल्ला केहि दिन यता कोरोनाका संक्रमित १०० भन्दा धेरै थपिरहेका छन् । विगत आठ महिना यता चीनमा फेरि कोरोनाको कहर सलबलाउन थालेको हो ।

जसका कारण वेज्ञानिकहरु पनि चिन्तित बनेका छन् ।

शुन्य जस्तै बनिसकेको चीनमा फेरि कोरोनाका संक्रमित अचानक बढ्न थालेपछि वैज्ञानिकहरुले पहिलो वर्षको तुलनामा दोश्रो वर्ष कोरोनाले झनै हंगामा मच्चाउन सक्ने अनुमान गरेका छन् ।

चीनमा आज मात्रै पनि १४४ जनामा कोरोना संक्रमण पुष्टि भएको छ । अहिलेसम्म चीनमा ८७ हजार ९८८ जनालाई कोरोना संक्रमण भएको छ भने ४ हजार ६३५ जनाको मृत्यु भएको छ ।