काठमाडौं । पाकिस्तान सुपर लिग (पीएसएल) टी-ट्वान्टी क्रिकेटको ड्राफ्ट आज आइतवार हुँदैछ । पाकिस्तानको लाहोरमा हुने ड्राफ्ट नेपाली समय अनुसार साँझ ५:१५ बजे सुरु हुनेछ ।
पिएसएलको नयाँ सिजनका लागि नेपालका १० खेलाडी ड्राफ्टमा परेका छन्। पिएसएलले सार्वजनिक गरेको ड्राफ्टमा सिल्भर तर्फको विदेशी कोटामा नेपाली राष्ट्रिय क्रिकेट टिमका कप्तान ज्ञानेन्द्र मल्लसहित उप कप्तान दीपेन्द्रसिंह ऐरी, करण केसी, कुशल मल्ल, पारस खड्का, अभिनाष बोहोरा, पवन सरार्फ, सुवास खकुरेल र आसिफ शेख छन्।
लेग स्पिनर सन्दीप लामिछाने सर्वाधिक उच्च मूल्यको प्लाटिनम क्याटेगोरीको ड्राफ्टमा छन् । यस क्याटेगोरीमा अनुबन्ध हुने खेलाडीले १ लाख ४० हजार देखि २ लाख ३० हजार अमेरिकी डलर प्राप्त गर्ने छन् ।
अन्य ९ खेलाडी भने सिल्भर क्याटेगोरीको ड्राफ्टमा परेका छन् । यस क्याटेगोरीको मूल्य १५ हजार अमेरिकी डलरदेखि ३५ हजार अमेरिकी डलरसम्म रहेको छ ।
यो खबर पढेर तपाईलाई कस्तो महसुस भयो ?
प्रतिक्रिया