संसद विघटनविरुद्ध उल्टो हिँडेर माईतीघरमा नेविसंघको प्रदर्शन

काठमाडौं । नेपाल विद्यार्थी संघ (नेविसंघ)ले संसद विघटनविरुद्ध माईतीघरमा विरोध प्रदर्शन गरेको छ ।

नेविसंघ केन्द्रीय कमिटीको आयोजनामा शुक्रवार दिउँसो माईतीघरमा उल्टो हिँडेर प्रदर्शन गरेको हो ।

संसद विघटन गर्ने प्रधानमन्त्री केपी शर्मा ओलीको कदम संविधान विपरित रहेको ठहर उल्टो बाटो हिँडेर विरोध प्रदर्शन गरेको नेविसंघले जनाएको छ । संसद विघटन अलोकतान्त्रिक र असंवैधानिक रहेको भन्दै नेविसंघले आन्दोलन गरिरहेको छ ।