बेलायतमा कोरोना संक्रमण बढ्यो, अस्पतालमा शैया अभाव

लण्डन । कोरोना भाइरस सङ्क्रमण तिब्र रुपमा बढ्न थालेपछि इङ्ल्याण्डका अस्पतालमा शैया अभाव भएको छ । बेलायतमा बुधबार ६२ हजारभन्दा बढीमा कोभिड १९ भएको जनाइएको छ। दक्षिणपूर्वी इङ्ल्याण्डमा कोभिड सङ्क्रमितको सङ्ख्यामा नाटकीय वृद्धि देखिएको छ। यो क्षेत्र हालै नयाँ प्रकारको कोभिड–१९ का जिवाणु पाइएको क्षेत्र हो ।

स्वास्थ्य सेवा प्रदायक तथा चिकित्सकहरूले अपेक्षाकृत सकारात्मक सुधार देखिँदा पनि लन्डनका अस्पतालहरू दुई साताभित्र क्षमताभन्दा बढी बिरामी हेर्नुपर्ने अवस्थामा पुग्ने प्रशासनलाई बताएको एक गोप्य स्रोतलाई उदृत गर्दै अन्तर्राष्ट्रिय सञ्चारमाध्यमले जनाएका ।

बेलायतका अस्पतालमा भर्ना भई उपचार गराइरहेका कोभिड १९ का सङ्क्रमितको सङ्ख्या ३० हजारभन्दा बढी पुगेको छ। यो पहिलो चरणको सङ्क्रमणका समयको भन्दा बढी हो।