१३ मङ्सिर २०७८, सोमवार

म्याग्दीका राजनीतिक दलहरु संघ र प्रदेशको निर्वाचनको तयारीमा

२०७४,आश्विन,१६,सोमवार ०८:४८

0
Shares

 बाबियाचौर, म्याग्दी, १६ असोज ।म्याग्दीमा क्रियाशील राजनीतिक दलहरु आसन्न संघ र प्रदेशको निर्वाचनको तयारीमा जुटेका छन् ।विसं २०७४ वैशाख ३१ गते पहिलो चरणमा स्थानीय तह निर्वाचन भएको म्याग्दीमा आगामी मंसिर १० गते पहिलो चरणमा संघ र प्रदेशको चुनाव हुँदैछ । एक नगरपालिका, पाँच गाउँपालिका र ४५ वटा वडा रहेको म्याग्दीमा प्रदेशसभाका लागि दुई तथा संघका लागि एकवटा निर्वाचन क्षेत्र कायम भएको छ ।चुनावलाई लक्षित गरी नेपाली काँग्रेस, नेकपा (एमाले) र नेकपा (माओवादी केन्द्र)ले उम्मेदवार सिफारिससँगै कार्यकर्ता भेटघाट, भेला, बैठक र संगठन परिचालनलाई तीव्रता दिएका छन् । नेपाली काँग्र्रेसले उम्मेदवार छनोटको विषयमा आन्तरिक छलफल तीव्र बनाएको जनाएको छ ।यसअघि एक चरणको बैठकमा उम्मेदवार छनोटको विषयले प्रवेश पाएको र मंगलबार बस्ने जिल्ला कार्यसमितिको बैठकले सम्भवतः उम्मेदवारको नाम सिफारिस गर्ने नेपाली काँग्रेस म्याग्दीका नेता अजयमिलन श्रेष्ठले बताए ।एमालेले प्रदेशसभाको दुईवटै निर्वाचन क्षेत्रमा संयोजक तोकेर स्थानीयस्तरमा कार्यकर्ता भेटघाट अभियान सञ्चालन गरेको छ । स्थानीय तहबाट आकांक्षीहरुको नाम संकलन गरी जिल्ला कमिटीको बैठकबाट प्रदेश र केन्द्रीय कमिटीलाई सिफारिस गरिने एमाले म्याग्दीका सचिव बालकृष्ण सुवेदीले बताए ।क्षेत्र नं २ को असोज २० गते दरवाङ र १ को २१ गते बेनीमा कार्यकर्ता भेला आयोजना गरेको एमालेले असोज २३ र २४ गते जिल्ला कमिटी बैठक बोलाएको छ ।माओवादी केन्द्रले प्रदेश र संघको चुनावका लागि प्रत्यक्ष र समानुपातिकतर्फका उम्मेदवारको नाम सिफारिस गरिसकेको छ ।संघको प्रत्यक्षतर्फ जिल्ला संयोजक तथा पूर्व सभासद् गोविन्द पौडेल, खुमनाथ सुवेदी र चन्द्रबहादुर घिमिरेलाई सिफारिस गरिएको नेता देवराज सुवेदीले जानकारी दिए । यसैगरी समानुपातिकतर्फ विश्व सेन मल्ल र यामन रोकाको नाम सिफारिस भएको छ । प्रदेशसभाको क्षेत्र नं १ को प्रत्यक्षतर्फ सुवास विक र हरि भण्डारी, २ मा पुनम खड्का, याम रोका र राजेन्द्र शेरचनलाई सिफारिस गरिएको छ ।प्रदेशको समानुपातिकतर्फ क्षेत्र नं १ मा इन्द्रबहादुर पुन, हेमा छन्त्याल र लालकुमारी पुन तथा क्षेत्र नं २ बाट टेकबहादुर विक र होमलाल पुनको नाम सिफारिस भएको छ । जिल्ला इञ्चार्ज मानबहादुर बुढाको नेतृत्वमा जिल्ला तथा क्षेत्र नं १ मा विनोद केसी र २ मा देवराज सुवेदीको संयोजकत्वमा निर्वाचन परिचालन समिति गठन भएको छ ।प्रदेशसभाको क्षेत्र नं १ मा बेनी नगरपालिका, रघुगंगा र अन्नपूर्ण गाउँपालिका तथा क्षेत्र नं २ मा मंगला, मालिका र धौलागिरि गाउँपालिका रहेका छन् ।स्थानीय तह निर्वाचनमा बेनी नगरपालिका, मालिका, रघुगंगा र अन्नपूर्ण गाउँपालिकाको प्रमुख पदमा नेपाली काँग्रेस तथा मंगला र धौलागिरि गाउँपालिकाको अध्यक्षमा एमाले विजयी भएको थियो । स्थानीय तह निर्वाचनमा ७१ हजार मतदाता रहेकामा पछिल्लो समय चार हजार मतदाता थपिएको जिल्ला निर्वाचन कार्यालयले जनाएको छ ।

प्रकाशित मिति: २०७४,आश्विन,१६,सोमवार ०८:४८

प्रतिक्रिया दिनुहोस !
सम्बन्धित खबरहरु

आपराधिक सत्य घटनामा आधारित नेपालकै पहिलो क्राइम एण्ड इन्भेस्टिगेसन सिरिज, क्राइम फाइल्स यहि आउँदो कात्तिक महिनादेखि कान्तिपुर टेलिभिजनबाट प्रशारण हुने

काठमाडौं । राउन्ड टेबल इन्टरनेसनलमा पहिलो पटक राउण्ड टेबल नेपालका जयन्त अग्रवाल उपाध्यक्ष पदमा निर्वाचित भएका छन् । अग्रवालले राउन्ड

मनाङ । गत जेठ अन्तिममा परेको अविरल वर्षाले जिल्लामा सरकारी, गैरसरकारी तथा व्यक्तिगत संरचनामा क्षति पुगेको छ । हालसालै पनि

काठमाडौं । नेपाली कांग्रेसका सांसद गगन थापाले पूर्वप्रधानमन्त्री एवम् एमाले वरिष्ठ नेता झलनाथ खनालको उपचारका लागि सरकारले दिन लागेको उपचार

ताजा समाचार

यस्तो छ आजको राशिफल
 २०७८,मङ्सिर,१३,सोमवार ०६:३०
एमालेको निर्वाचन कार्यतालिका संशोधन
 २०७८,मङ्सिर,१३,सोमवार ००:४३
टेकु अस्पतालबाट अनुप बास्तोलाको सरुवा
 २०७८,मङ्सिर,१२,आईतवार २२:४७
बाघको आक्रमणबाट एकको मृत्यु
 २०७८,मङ्सिर,१२,आईतवार २२:३६
कांग्रेस तनहुँको सभापतिमा आले निर्वाचित
 २०७८,मङ्सिर,१२,आईतवार २२:३४