काठमाडौं । सत्तारुढ दल नेपाल कम्यनिष्ट पार्टी (नेकपा) को प्रचण्ड-नेपाल समूहको स्थायी कमिटी बैठक शुरु भएको छ ।
उक्त समूहका अध्यक्ष माधवकुमार नेपालको अध्यक्षतामा १२ बजेबाट पार्टी कार्यालय पेरिसडाँडामा बैठक शुरु भएको एक नेताले बताए ।
आइतवार बसेको बैठकले गरेका निर्णयहरुमा थप छलफल गर्न आज बैठक बसेको हो ।
प्रचण्ड नेपाल समूहका अध्यक्ष पुष्पकमल दाहाल प्रचण्ड पत्नीको उपचारका लागि भारततर्फ गएका छन् । प्रचण्डको अनुपस्थितीमा नेपालको एकल अध्यक्षतामा बैठक बसेको हो ।
आइतवारको बैठकले नेपालको संयोजकत्वमा पार्टी एकताका बाँकी काम पूरा गर्न र नेताहरूलाई कार्यविभाजन गर्नका लागि एउटा कार्यदल गठन गरेको छ । आज त्यसै विषयमा छलफल हुने बुझिएको छ ।
यो खबर पढेर तपाईलाई कस्तो महसुस भयो ?
प्रतिक्रिया