२०७७, १७ पुष शुक्रवार १७:२४

“राजनीति गर्नेले जोगी हुन तयार हुनुपर्छ”- प्रधानमन्त्री ओली


प्रकाशित मिति : २०७७, १७ पुष शुक्रवार १७:२४

काठमाडौँ ।  प्रधानमन्त्री केपी शर्मा ओलीले राजनीति गर्नेले आफू जोगी हुन तयार हुनुपर्ने बताएका छन्।

शुक्रवार बालुवाटारमा आयोजित ‘बालबालिकासँग प्रधानमन्त्री’ कार्यक्रमलाई सम्वोधन गर्दै प्रधानमन्त्री ओलीले यस्तो बताएका हुन् । “जोगी हुनलाई राजनीति गरेको होइन भनिन्छ तर भोगी हुन पनि राजनीति गरेको होइन” प्रधानमन्त्री ओलीले भने, “तर, राजनीति गर्नेले आफू जोगी हुन् तयार हुनुपर्छ ।”

‘राजनीतिलाई फोहोरी खेल भनिन्छ, अब राजनीति गर्ने पालो हाम्रै हो, के सुझाव दिनु हुन्छ ?’ भनेर सोधिएको र्पश्नाको जवाफ दिंदै प्रधानमन्त्री ओलीले राजनीति फोहोरी खेल नभएर फोहोरी खेल बनाएको टिप्पणी गरेका छन् । बागमती आफै प्रदुषित बनेको नभई प्रदुषित बनाइएको उनले बताए ।

जालझेल, कपट, बेइमानी, ढाकछोपलाई राजनीति ठान्न नहुने भन्दै उनले देश र जनताको सेवा गर्ने व्यक्तिका रूपमा लिनु पर्ने बताए । उनले भने, “राजनीति गर्नु भनेको त्याग गर्नु हो, कमाउनु होइन।”

प्रतिक्रिया दिनुहोस