काठमाडौँ– नेपाल कम्युनिष्ट पार्टी नेकपाका नेता एंवम पूर्व युवा तथा खेलकुदमन्त्री जगत बहादुर सुनार विश्वकर्माले शीर्ष नेताहरुका कारण संकटमा परेको नेपालको कम्युनिस्ट आन्दोलनलाई अगाडि बढाउने अभिभारा युवाहरुको काँधमा आएको बताएका छन् ।
बुधबार पोखरा १८ वडा कमिटीको अगुवा कार्यक्रता भेलालाई सम्बोधन गर्दै पूर्वमन्त्री विश्वकर्माले पार्टीका शीर्ष तहका नेताहरु आत्मकेन्द्रित भएर निहीत स्वार्थमा लाग्दा नेपालको कम्युनिस्ट आन्दोलनमा संकट आउनु दुर्भाग्यपूर्ण परिस्थिति भएको बताए।
उनले अहिले पार्टीले लिएको जनताको बुहदलिय जनबादको नीति, विचार, सिद्धान्त र मूल्य मान्यताहरुलाई आत्मसाथ गरेर नै नेपालको कम्युनिस्ट आन्दोलनले उचाई हासिल गरेकाले यसलाई नै निरन्तरता दिनुपर्ने धारणा राखे । पार्टीको अहिले लिएको नीति विचार र सिद्धान्तको सहपिना पुष्टि भएर विश्व कम्युनिस्ट आन्दोलनमा नेपालले बनाएको विशिष्ट आन्दोलनलाई अघि बढाउनुपर्ने चुनौतीलाई पुरा गर्न सबै युवाहरु एकवद्ध भएर अगाडि बढ्नुपर्ने बताए ।
कार्यक्रममा पार्टी केन्द्रिय सदस्य दिपक पौडेलले प्रधानमन्त्री तथा पार्टी अध्यक्ष केपी शर्मा ओलीलाई काम गर्न नदिने, घेराबन्दी गर्ने, असहयोग गर्ने र भएका कामहरुको पनि सकारात्मक प्रचार नगर्ने जस्ता गतिविधि बढ्दै जादा आजको दुर्भाग्यपूर्ण स्थिति आएको बताउँदै सहि र गलतको फैसला गर्ने जिम्मा जनताको भएको बताए ।
भेलामा वडा कमिटी अध्यक्ष पुस्कल बहादुर थापाले सराङ्कोटबासीको साथमा सराङ्गकोट वडा कमिटी रहने बताए । उनले अहिलेको परिस्थितिमा प्रधानमन्त्री ओलीले गरेको निर्णय स्वागत योग्य रहेको धारणा राख्दै युवाहरु एकवद्ध भएर विकास र समृद्धिको बाटोमा नै अगाडि बढ्नुपर्नेमा जोड दिए।
उक्त भेलामा पोखरा वडा नं १८ का युवा तथा कार्यक्रताहरुको उल्लेखनीय सहभागिता रहेको थियो ।
यो खबर पढेर तपाईलाई कस्तो महसुस भयो ?
प्रतिक्रिया