काठमाडौं । भारतको अलवरस्थित नावली गाउँमा अन्धविश्वासका कारण ११ वर्षका बालकलाई बलि दिइएको छ ।
बालकको शव आईतवार विभत्सरुपमा फेला परेको भारतीय सञ्चारमाध्यमहरुले बताएका छन् । उनको नाक, कान काटिएको अवस्थामा शव भेटिएको थियो । आँखामा गाजल लगाइएको थियो ।
पिता रघुवीर बैरवाले पुलिससँग गाउँमा ढोंगी बाबा कालू बैरवासमेत अन्य मानिसविरुद्ध केस दर्ता गराएका छन् ।धनी बन्नका लागि ढोंगी बाबाहरु मिलेर बालकको बली चढाइएको हुनसक्ने स्थानीयले बताएका छन् ।
बालक शनिवार घरबाट बेपत्ता भएका थिए ।
भोलिपल्ट बालकको शव क्षतविक्षत अवस्थामा भेटिएको थियो ।
अहिले घटनाको बारेमा अनुसन्धान भइरहेको बताइएको छ ।
यो खबर पढेर तपाईलाई कस्तो महसुस भयो ?
प्रतिक्रिया