१० असार २०७९, शुक्रवार

संविधानप्रति जनताको आशा पलाएको छ : नेत्री सुजाता

२०७४,आश्विन,१५,आईतवार १३:०२

0
Shares

विराटनगर, १५ असोज ।नेपाली काँग्रेसकी नेत्री सुजाता कोइरालाले स्थानीय तहको निर्वाचन शान्तिपूर्ण ढंगले सम्पन्न हुनु सरकारको ठूलो उपलब्धि भएको बताएकी छिन ।विराटनगरस्थित गिरिजाप्रसाद कोइराला प्रतिष्ठानमा आज पत्रकारहरुसँग कुराकानी गर्दै उनले सो निर्वाचन सम्पन्न भएपछि मुलुकमा अस्थिरता लगभग समाप्त भएको र संविधानप्रति जनताको आशा पलाएको स्पष्ट पारिन ।शान्ति र विकास नै जनताको चाहना रहेको उल्लेख गर्दै नेत्री कोइरालाले आगामी दिनमा हुन गइरहेको संघीय र प्रदेशको निर्वाचन पनि भयरहित वातावरणमा निष्पक्ष ढंगमा सम्पन्न हुनुपर्नेमा जोड दिइन ।नेपालीको आधार नै तराई–मधेश रहेको र स्थानीय निर्वाचनमा उम्मेदवारको छनोटमा पक्षपात भएकै कारणले पार्टीले चाहेअनुरुपको जित हासिल गर्न नसकेको स्मरण गर्दै अब हुने निर्वाचनमा गुटबाट माथि उठेर कार्यकर्ताको माझबाट छनोट भएका व्यक्तिलाई उम्मेदवार बनाउनुपर्ने आवश्यकता औँल्याइन ।“पार्टीभित्रको विवादलाई गिरिजाबाबुले कार्यकर्ताको माझमा पुगेर समाधान गर्नुहुन्थ्यो”, उनले भनिन, “अहिले त्यस्तो अवस्था नदेखिएको र कतिपय जिल्लामा विवाद देखिएकाले पार्टी सभापतिले कार्यकर्ताको माझमा पुगेर समाधान गर्नु नै उचित देखिन्छ ।”स्थानीय तहको निर्वाचनमा कतिपय ठाउँमा मतदातालाई र उम्मेदवार चयनमा पनि पैसा वितरण गरिएको चर्चा सुनिएको उल्लेख गर्दै उनले यस विषयमा निर्वाचन आयोगलाई गम्भीर भएर ठोस कदम उठाउन आग्रह पनि गरिन ।

प्रकाशित मिति: २०७४,आश्विन,१५,आईतवार १३:०२

प्रतिक्रिया दिनुहोस !
सम्बन्धित खबरहरु

काठमाडाैं । स्थानीय तहमा उपप्रमुख वा उपाध्यक्षको आफ्नो छुट्टै भूमिका रहेको हुन्छ । उनीहरू पनि जनताबाटै प्रत्यक्ष रुपमा निर्वाचित भएर

काठमाडाैं । संसदीय समितिले पेट्रोलियम कर ५० प्रतिशत घटाउन सरकारलाई निर्देशन दिएको छ । बुधबार बसेको उद्योग तथा बाणिज्य र

ललितपुर । बागमती प्रदेश सरकारका श्रम, रोजगार तथा यातायातमन्त्री घनश्याम दाहालले ट्रक व्यवसायीका समस्या समाधान गर्न प्रतिबद्ध रहेको बताएका छन्

सप्तरी । जिल्ला समवन्य समिति सप्तरीको प्रमुखमा तीन जना र उपप्रमुखमा दुई जनाले मनोनयन दर्ता गराएका छन् । जनता समाजवादी

ताजा समाचार

प्रशिक्षण प्रतिष्ठानको प्रमुखमा खड्का
 २०७९,असार,१०,शुक्रवार २१:१६