राजावादीको प्रदर्शनमाथि प्रधानमन्त्रीको टिप्पणी- ‘त्यो त इन्जोयमेन्ट’

काठमाडौँ–  प्रधानमन्त्री केपी शर्मा ओलीले राजतन्त्रको माग गर्दै देशका विभिन्न ठाउँमा भइरहेको प्रदर्शनलाई ‘रमाइलो’ को संज्ञा दिएका छन् । बुधवार राति योहो टेलिभिजनमा अन्तर्वार्ता दिंदै प्रधानमन्त्री ओलीले यस्तो टिप्पणी गरेका हुन् ।

लोकतन्त्रमा आफ्नो भावना पोख्नु स्वाभाविक भएको बताउँदै प्रधानमन्त्री ओलीले नेपालबाट चार पटक राजतन्त्र हटेको बताएका छन् । राजतन्त्रमाथि टिप्पणी गर्दै प्रधानमन्त्री ओलीले भने, “ओइलाएको बिरुवालाई पानी हाले पलाउन सक्छ तर, जरा समेत सुकेको बिरुवालाई पानीमै डुबाएपनि जीवित हुन सक्दैन ।”