मोरङ । चोरी भएको मोटरसाईकल सहित चोरीमा संलग्न ४ जनालाई जिल्ला प्रहरी कार्यालय मोरङले पक्राउ गरेको छ ।
विराटनगर महानगरपालिका-४ नोबेल अस्पतालको पार्किङ एरियाबाट गत पुस ५ गते हराएको को ३९ प २४४२ नम्बरको मोटरसाईकल खोजतलास गर्ने क्रममा ०६ गते राती ८ बजे बिराटनगर-४ बुढाथोकी मार्गबाट चोरी भएको मोटरसाईकल सहित ४ जनालाई पक्राउ गरेको हो ।
पक्राउ पर्नेहरुमा बिराटनगर-४ का २० बर्षीय विवेक थान्दार र अमन थान्दार, बुढिगंगा गाउँपालिका-२ का २० बर्षीय पुजन थान्दार तथा दुहवी नगरपालिका-१० सुनसरीका २० बर्षीय नगेन्द्र चौधरी रहेका छन् ।
उनीहरुले चोरी गरी लगेको मोटरसाईकलको नम्बर प्लेट परिवर्तन गरी बुढाथोकी मार्गमा डोर्याउँदै गरेको अबस्थामा फेला पारी पक्राउ गरिएको प्रहरीले जनाएको छ ।
उनीहरुको सन्दर्भमा थप अनुसन्धान भईरहेको जिल्ला प्रहरी कार्यालय मोरङले जनाएको छ ।
यो खबर पढेर तपाईलाई कस्तो महसुस भयो ?
प्रतिक्रिया