पाल्पा, १५ असोज ।पाल्पाली समाज युएईले युएईमा ज्यान गुमाएका पाल्पा माथागढी गाउपालिका–४, झडेवाका २१ वर्षीय गंगा सारु मगरको परिवारलाई दुई लाख ३५ हजार नौ सय रुपैयाँ सहयोग प्रदान गरेकोछ ।पाल्पाली समाज युएईले मृतकको श्रीमती दुनिसा सारु मगरलाई दुई लाखको चेक र क्रिरिया खर्चका लागि थप ३५ हजार नौ सय नगद हस्तान्तरण गरेको समाजका महासचिव वेदप्रसाद अर्यालले जानकारी दिनुभयो ।गत असार ३० गते गंगा सारु मगर सुतेकै अवस्थामा मृत फेला परेका थिए । उनका श्रीमती, तीन महिनाको काखे छोरा र तीन वर्षको अर्का एक छोरा छन् । युएइमा रहेका पाल्पालीले आर्थिक संकलन गरी सो सहयोग गरेको समाजले जनाएको छ ।
