३१ श्रावण २०७९, मंगलवार

कृष्णसारलाई कुपोषण बाट जोगाउन पोषणयुक्त आहार

२०७४,आश्विन,१५,आईतवार ०६:४९

0
Shares

कञ्चनपुर, १५ असोज ।शुक्लाफाँटा राष्ट्रिय निकुञ्जको हिरापुर फाँटामा संरक्षित लोपोन्मुख प्रजातिको कृष्णसारलाई कुपोषण बाट जोगाउनका लागि प्रति दिन पोषणयुक्त आहार खुवाउने गरिएको छ ।कृष्णसारलाई चोकर, पशुआहार, चना, मटमास लगायतका पोषणयुक्त आहार प्रति दिन पन्ध्र किलोका दरले खुवाउने गरिएको छ ।पोषणयुक्त आहार संगै मिनरल्स र आन्तरिक परिजिवीको संक्रमणबाट जोगाउनका लागि तीन तीन महिनामा जुकाको औषधि खुवाउदै आएको कृष्णसारको उपचारमा संलग्न पशु प्राविधिक धनिराम चौधरीले बताए ।बाह्य हिंसक वन्यजन्तु बाट जोगाउनका लागि बनाईएका ग्याविन बक्समा कृष्णसारलाई चर्नका लागि मसुरो, गहुँ, मकै, अरहर छर्नुका साथै किम्बुका विरुवा रोप्ने गरिएको छ ।चितुवा, बाघ र अन्य जनावरले कृष्णसारलाई आक्रमण गर्न नसकोस भनेर फेन्स वायर जडान गरिएको निकुञ्जका कर्मचारीहरुको भनाई रहेको छ ।सन् २०१२ सेप्टेम्बरमा दुई पटक गरि नेपालगञ्ज मिनी चिडिया घर बाट २२, सन् २०१२ को अक्टुवरमा केन्द्रिय चिडियाखाना जावलाखेलबाट छ वटा र कृष्णसार संरक्षण क्षेत्र खैरापुरबाट सन् २०१५ जुलाईमा १४ वटा गरि जम्मा ४२ वटा कृष्णसार स्थानान्तरण गरि ल्याईएको छ ।हाल संरक्षण क्षेत्रमा कृष्णसारको संख्या ५५ पुगेको छ । जसमध्ये बयस्क भाले १९ र पोथीको संख्या १५ र बच्चाको संख्या २१ रहेको छ । शुक्लाफाँटा वन्यजन्तु आरक्षको संभाव्यता अध्ययन पछि यहाँ कृष्णसारलाई स्थानान्तरण गरिएको हो ।कृष्णसारलाई पानीको व्यवस्था गर्न संरक्षण क्षेत्रमै दुई वटा कृतिम पोखरी र दुई वटा छहारी घर निर्माण गरिएको छ । 

प्रकाशित मिति: २०७४,आश्विन,१५,आईतवार ०६:४९

प्रतिक्रिया दिनुहोस !
सम्बन्धित खबरहरु

काठमाडौं । न्याय परिषद्ले २१ जनालाई जिल्ला न्यायाधीशमा नियुक्तिका लागि सिफारिस गरेको छ । मंगलबार बसेको परिषद बैठकले जिल्ला न्यायाधीशका लागि

काठमाडौं । नेपाली होटल व्यवसायी संघको २० औं वार्षिक साधारणसभा तथा १२ औं अधिवेशन आगामी भदौ ४ गते हुने भएको

काठमाडौं । निहारिका राजपुत प्रकरणमा आरोपित शिवराज श्रेष्ठलाई प्रहरीले पक्राउ गरेको छ । श्रेष्ठलाई धनुषाबाट पक्राउ गरिएको  हाे । उपत्यका

काठमाडाैं । निर्वाचन आयोगले निर्वाचन प्रयोजनार्थ आयोगमा दर्ताका लागि निवेदन दिएका सबै दलको भोलि (बुधवार) बाट जाँच गर्ने भएको छ

ताजा समाचार

होमस्टे चलाउन सहरबाट गाउँ फर्किए युवा
 २०७९,श्रावण,३१,मंगलवार २१:५७
अकबरे खुर्सानीमा आत्मनिर्भर घाम्राङ
 २०७९,श्रावण,३१,मंगलवार २१:४७
सुदूरपश्चिममा ओल्के पर्व मनाइँदै
 २०७९,श्रावण,३१,मंगलवार २१:४०