इटहरी, १४ असोज- बडादशैँको अवसरमा दुहवी नगरपालिका–९ का १०६ वर्षीय फागुलाला चौधरीले थारु समुदायको जातीय परम्पराअनुसार आज आफूभन्दा सानालाई टीका जमरा लगाइदिएर दीर्घायुको आशीर्वाद दिदैं खुशियाली मनाउनुभएको छ ।त्यस्तै इटहरी उपमहानगरपालिका–१६ लबिपुरका ९९ वर्षीय भानुभक्त लम्सालले पनि घरमा आएका आफ्ना सन्तानसँगै आफूभन्दा कान्छो उमेरका आफन्तलाई बडादशैँको टीका जमरा लगाएर दीर्घायुको आशीर्वाद दिनुभयो ।उहाँले आफ्ना सन्तान, घर आएका आफन्त र सर्वसाधारण लगायत ८० जनाभन्दा बढीलाई टीका जमरा लगाएर आशीर्वाद दिनुभएको हो । परम्पराअनुसार सबै आफन्तलाई आफ्नो गक्षअनुसारको दक्षिणा र खाने परिकार खुवाएर उहाँले दशैँको खुशियाली मनाउनुभएको छ ।यसैगरी इटहरी–९ का ९० वर्षीय रुद्रप्रसाद प्याकुरेलले पनि आफ्नो छोरा–बुहारी नाति–नतिनालगायत सबै आफन्तलाई टीका लगाएर आशीर्वाद दिनुभएको हो ।
