भक्तपुरमा दुर्घटना, एकको मृत्यु

भक्तपुर । भक्तपुरमा भएको सवारी दुर्घटनामा एक जनाको मृत्यु भएको छ ।

मृत्यु हुनेमा भक्तपुरठिमी ९ का राजु तामाङ रहेका छन् ।

गएराति मध्यपुरथिमी नगरपालिका वडा नम्बर ४, एस.एस. चोक नजिकै तीव्र गतिको बा. ७३ प ३८२ नम्बरको स्कुटर ट्राफिक आइल्याण्डमा ठोक्किन पुगेको थियो ।

दुर्घटनाबाट घाइते भएका तामाङको उपचारका क्रममा राजधानीको नर्भिक अस्पतालमा मृत्यु भएको भक्तपुर प्रहरीले जनाएको छ ।