भारतमा यस्तो छ कोरोना महामारीको हालसम्मको अवस्था

काठमाडौं । कोरोना भाइरसको महामारी अहिले सारा विश्वमा नै व्याप्त छ । कोरोना भाइरसका कारण हालसम्म १४ लाख ५८ हजार १०३ जनाको मृत्यु भएको छ भने ६ करोड २५ लाख ६३ हजार १८४ जनालाई संक्रमण भएको छ ।

त्यस्तै ४ करोड ३१ लाख ८८ हजार ४८४ जना संक्रमण मुक्त, भएका छन् भने विश्वमा १ लाख ५ हजार २३८ जनाको स्वास्थ्य अवस्था गम्भीर रहेको छ ।

यसैबीच भारतमा हालसम्म १ लाख ३६ हजार ७०५ जनाको मृत्यु भएको छ भने ९३ लाख ९० हजार ७९१ जनालाई संक्रमण भएको छ ।

त्यस्तै ८७ लाख ९९ हजार २४९ जना संक्रमण मुक्त भएका छन् भने ४ लाख ५४ हजार ८३७ जनाको उपचार भईरहेको छ ।

त्यस्तै ८ हजार ९४४ जनाको स्वास्थ्य अवस्था गम्भीर रहेको छ । भारतमा शनिवार मात्रै ३९ हजार ५६७ जनालाई संक्रमण भएको छ भने ४६७ जनाको मृत्यु भएको छ ।