वस्तुगत तर्फपनि चन्द्र ढकाल विजयी

काठमाडौं । उद्योग वाणिज्य महासंघको निर्वाचनमा वरिष्ठ उपाध्यक्ष पदका उम्मेद्वार चन्द्र ढकालले वस्तुगत तर्फ पनि बाजी मारेका छन् ।

वस्तुगत तर्फको कुल १०१ भोट खसेकोमा ३ भोट बदर भएको थियो जसमा ढकालले ५९ र प्रधानले ३९ भोट पाएका छन् ।

यसमा पनि ढकालले प्रधानलाई २० भोटले पराजित गरेका छन् । अहिलेसम्म एशोसिएट तर्फ ३० प्रतिशत भोटमा ढकालले ५२२ मत पाएका छन् भने प्रधानले ३७४ मत पाएका छन् ।

उनले प्रतिष्पर्धी किशोर प्रधानलाई एशोसिएट तर्फ १४८ मतान्तरले पछाडि पारेका हुन् । अझै जिल्ला नगर तर्फ ५० प्रतिशत मत गणना बाँकी रहेको छ ।