दुबै प्रतिवेदन स्थगित गरी एकिकृत प्रतिवेदन बनाउने दिशामा सचिवालयको बैठक अग्रसर होस् : मुख्यमन्त्री पोखरेल

काठमाडौं । नेपाल कम्युनिष्ट पार्टी (नेकपा) का स्थायी समिति सदस्य तथा मुख्यमन्त्री समेत रहेका नेता शंकर पोखरेलले दुबै अध्यक्षका प्रतिवेदन एकीकृत गर्नुपर्ने बताएका छन् ।

उनले शनिवार सामाजिक सञ्जालमार्फत् दुबै अध्यक्षका प्रतिवेदन एकीकृत गर्नुपर्ने बताएका हुन् ।
साथै उनले पार्टी एकता रक्षाका दुबै प्रतिवेदन स्थगित गरी एकिकृत प्रतिवेदन बनाउने दिशामा सचिवालयको बैठक अग्रसर हुनुपर्ने बताएका छन् ।

उनले सामाजिक सञ्जालमा लेखेका छन्, ‘म फेरि पनि भन्छु पार्टी एकताको रक्षाका लागि दुबै प्रतिवेदनलाई स्थगित गरी एकिकृत प्रतिवेदन बनाउने दिशामा सचिवालयको वैठक अग्रसर होस् ।’