लेस्टर सिटीसँग एइके एथेन्स पराजित

काठमाडौं । युरोपा लिग फुटबलमा लेस्टर सिटीले जित हात पारेको छ । बिहिवार राति भएको समूह चरणको खेलमा लेस्टर सिटीले ग्रिकको क्लब एइके एथेन्सलाई २–१ गोलले पराजित गरेको हो ।

जेमी भार्डीको पेनाल्टीमा पाहुना टोली लेस्टरले सुरुवातमै आग्रता बनाएको थियो । हमजा चोधरीले ३९ औं मिनेटमा लेस्टरको अग्रता दोब्बर बनाए ।

घरेलु टोलीका मुअम्बर टेन्कोविकले ४९ औं मिनेटमा एक गोल फर्काएका थिए ।

सुरुवाती दुवै खेलमा जित निकाल्दै लेस्टर शीर्ष स्थानमा छ । एथेन्स क्लब अंक विहिन हुँदै तालिकाको पुछारमा रहेको छ ।

• एजेन्सी