एकैदिनमा १८ हजार नयाँ केस भेटिएपछि रुस हाई अलर्टमा, यूरोपमा संक्रमितलाई एक देशबाट अर्को देशमा शिफ्ट गर्न सकिने

काठमाडौं । रुसमा कोरोनाको दोश्रो लहर खतरा साबित भईरहेको छ । त्यहाँ बिहवार एकैदिनमा १८ हजार नयाँ केस भेटिएका छन् ।

जसका कारण हेल्थ डिपार्टमेन्टले सबै अस्पताल र मेडिकल केयर सेन्टरलाई अलर्टमा बस्न निर्देशन दिएको छ । त्यहाँ ३६६ जनाको बिहीवार मृत्यु भएको छ ।

साथै बिहीवार त्यहाँ १४ हजार जना निको भएका छन् । रुसमा ११ लाख भन्दा धेरैलाई संक्रमण भईसकेको छ ।

त्यस्तै यूरोपीय देशमा अब संक्रमितलाई एक देशबाट अर्को देशमा शिफ्ट गर्न सकिने भएको छ । त्यसको लागि स्पेशल फण्ड ट्रान्सफर स्कीम पनि लञ्च गरिएको छ ।

यस बारेमा यूरोपीय देशले सम्झौता गरेका छन् । फ्रान्स जर्मनीबाहेक स्पेनमा पनि नयाँ केस तीव्र गतिले बढीरहेको छ । जसका कारण यूरोपीय देशहरुमा हाई अलर्ट जारी गरिएको छ ।

एजेन्सीको सहयोगमा