काठमाडौं । च्याम्पियन्स लिग फुटबलको समूह चरण अन्तर्गत आज ठुला क्लब युभेन्टस र बार्सिलोना भिड्दै छन् । युभेन्टसको घरेलु मैदानमा हुने खेल नेपाली समय अनुसार राति १:४५ बजे शुरु हुनेछ ।
युभेन्टस बार्सिलोनालाई हराएर लगातार दोस्रो जित निकाल्न चाहन्छ । समूह चरणको पहिलो खेलमा युभेन्टसले डाइनामो किभलाई २-० ले हराएको थियो ।
तर, बार्सिलोनाविरुद्ध युभेन्टसका स्टार स्ट्राइकर क्रिस्टियानो रोनाल्डोले नखेल्ने भएका छन् । कोरोना संक्रमण भएपछि रोनाल्डो सेल्फ आईसोलेसनमा रहेका छन् ।
रोनाल्डोबारे युभेन्टसले केहि बताएको छैन । रोनाल्डोले नेसन्स लिग अन्तर्गत अक्टोबर ११ मा फ्रान्ससँगको खेल पछि खेलेका छैनन् ।
यता, बार्सिलोना पनि लगातार दोस्रो जितको खोजीमा रहेको छ । बार्सिलोना टुरिनमै युभेन्टसलाई हराउने योजनामा हुनेछ ।
यस समूहमा ३ अंक जोडेको बार्सिलोना शीर्ष स्थानमा रहेको छ । ३ अंक जोडेको युभेन्टस दोस्रो स्थानमा रहेको छ ।
- एजेन्सी
यो खबर पढेर तपाईलाई कस्तो महसुस भयो ?
प्रतिक्रिया