पूर्वप्रधानमन्त्री बाबुराम भट्टराई दम्पत्तीलाई कोरोना संक्रमण पुष्टि

काठमाडौं । जनता समाजवादी पार्टी संघीय परिषदका अध्यक्ष डा.बाबुराम भट्टराई र सोही पार्टीका कार्यकारिणी सदस्य हिसिला यमीलाई कोरोना पुष्टि भएको छ ।

डाक्टरको सल्लाह अनुसार उनी दुवैजना होम आइसोलेशनमा छन् ।

जसपा नेपालले जिल्ला जिल्लामा गराएको पार्टी प्रवेश कार्यक्रम तथा काठमाडौंमा हालै दुइ दिनको कार्यकारिणी समितिको बैठक बसेको थियो ।

डा.भट्टराई प्राय कार्यक्रममा सहभागी थिए । उनीहरूलाई आशंका लागेपछि पिसिआर टेस्ट गराएपछि नतिजा पोजेटिभ आएको हो ।

यस्तै जसपाका अन्य नेताहरूको कोरोना संक्रमण देखिएको छ तर ती नेताहरूले पुष्टि गरिरहेका छैनन् ।