६ जेष्ठ २०७९, शुक्रवार

दशैंका यात्रुलाई मुग्लिन सडकमा सहज

२०७४,आश्विन,११,बुधबार ०८:०३

0
Shares

रत्ननगर, चितवन, ११ असोज (रासस)प्रहरीको र्‍यापिड रेस्पोन्स टिम (आरआरटी) परिचालन भएपछि दशैँका यात्रुलाई नारायणगढ मुग्लिक सडक यात्रामा सहज भएको छ ।चाडपर्व केन्द्रित गरेर प्रहरीले चार स्थानबाट विशेष टिम परिचालन गरिएकाले कुनै समस्या परेको खण्डमा तत्कालै समाधान गर्ने हुँदा यातायात सहज भएको जिल्ला ट्राफिक प्रहरी कार्यालय चितवनका प्रमुख तथा प्रहरी निरीक्षक सन्तोष पन्तले जानकारी दिए ।उहाँका अनुसार अहिले मुग्लिनबाट प्रवेश गरेका गाडी २ घण्टामै नारायणगढ आइपुग्ने गरेको छ । चितवनको जुगेडीबाट ट्राफिक प्रहरी, सशस्त्र प्रहरी र जनपद प्रहरी सम्मिलित दुई टोली परिचालन गरिएको छ ।यस्तै सिमलतालबाट एउटा टोली र मुग्लिनबाट अर्काे टोली परिचालन हुने गरिएको छ । आरआरटीलाई छठपर्वसम्म निरन्तर परिचालन गर्ने पन्तले बताए ।चाडपर्वमा असहज नहोस् भनेर खाल्डाखुल्डी पुर्ने र नियमित पानी हालेर सवारी आवागमन सहज पारिने नारायणगढ मुग्लिक सडक आयोजनाले जनाए पनि उक्त काम भने प्रभावकारी हुन सकेको छैन । नारायणगढ मुग्लिक सडक आयोजनाका इञ्जिनियर शिवप्रसाद खनालले ठेकेदार कम्पनीबाट दशैँका बेलामा पनि १४ जनाको टोली सडकमै रहने व्यवस्था मिलाइएको जानकारी दिए ।भैपरिआउने समस्या प्रहरीसँग मिलेर उनीहरुले समाधान गर्नेछन् । यात्रुलाई अप्ठेरो नहोस् भनेर प्रहरीको चारवटा आरआरटीलाई सडक आयोजनामार्फत चारवटा गाडी उपलब्ध गराएको समेत खनालले जानकारी दिए । विगत १० दिनदेखि यहाँको यातायात आवागमनमा कुनै अवरोध नआएको समेत उहाँको भनाइ छ ।गत दुई वर्षदेखि नारायणगढ मुग्लिक सडक चौडा पार्ने काम शुरु भएको छ । ६ वटा कम्पनीले तीनवटा ब्लक छुट्याएर निर्माणको काम सञ्चालन गर्दै आएका छन् । म्याद सकिएर दुई पटक समय थपिँदासमेत सडक निर्माणको काम अहिले ५५ प्रतिशत मात्रै सम्पन्न भएको छ । बर्सात्को समयमा मुग्लिक सडकमा पहिरोले यात्रुलाई प्रभावित बनाएको थियो । 

प्रकाशित मिति: २०७४,आश्विन,११,बुधबार ०८:०३

प्रतिक्रिया दिनुहोस !
सम्बन्धित खबरहरु

लमजुङ । जिल्ला प्रहरी कार्यालय लमजुङले डाँका चोरी मुद्दामा फरार रहेका एक जनालाई २२ वर्षपछि पक्राउ गरेको छ । प्रहरीले

धेरै समयदेखि एउटा दृढ चाहनाले कुत्कुत्याइरहेको थियो । हाम्रा घरतिरका मानिसहरू पहिला–पहिला मालिकास्थान जाने भन्थे । खासमा त्यहाँ मालिकास्थान होइन

काठमाडौं । काठमाडौं महानगरपालिकाको प्रमुख पदको उम्मेदवारी दिएका एमालेका उम्मेदवार केशव स्थापितले वडा नम्बर २८ बाट मतदान गर्नेछन् । मतदानका

सिराहा । स्थानीय तह निर्वाचनअन्तर्गत शुक्रबार हुने मतदानका लागि कायम गरिएका मतदानस्थलको सुरक्षा संवेदनशीलताको आधारमा तालिमप्राप्त कुकुरसहितका प्रहरीले सिराहाका विभिन्न

ताजा समाचार

यस्तो छ भरतपुरको पछिल्लो मतगणना अपडेट
 २०७९,जेष्ठ,६,शुक्रवार ०८:४६
नेपालगञ्ज उपमहानगरमा गठबन्धनको जित
 २०७९,जेष्ठ,६,शुक्रवार ०८:४४
आज धेरै क्षेत्रमा वर्षाको सम्भावना
 २०७९,जेष्ठ,६,शुक्रवार ०६:५५
अछामको साँफेबगरमा आज मतदान
 २०७९,जेष्ठ,६,शुक्रवार ०६:२४