काठमाडौँ, ११ असोज- पश्चिमाञ्चल, सुदूरपश्चिमाञ्चल र पूर्वाञ्चलका इलामलगायतका ठाउँमा यात्रुबाहक बसको अभाव भएपछि यातायात व्यवस्था विभागले सडक इजाजतपत्र (रुट परमिट) खुला गरेको छ ।विभागका अनुसार असोज ११ देखि १९ गतेसम्म इजाजतपत्र खुला गरिएको हो । यससँगै उल्लेखित ठाउँमा रुट परमिट नभएका बसहरू पनि यात्रु लिएर जान–आउन पाउनेछन् ।‘यस्तो रुट परमिट सार्वजनिक यात्रुबाहक सवारीसाधनका लागि मात्र उपलब्ध हुनेछ,’ विभागका प्रवक्ता डा. टोकराज पाण्डेले भने । विभागका अनुसार दसैँमा काठमाडौं उपत्यकाबाट बाहिर जाने र आउने यात्रुको यात्रालाई सरल र सहज बनाउन रुट परमिट खुला गरिएको हो । अघिल्ला वर्षहरूमा पनि दसैँमा रुट परमिट खुला गर्ने गरिएको थियो, नयाँ पत्रिकामा खबर छ ।
