काठमाडौं । यूईएफए नेसन्स लिग फुटबलमा पोर्चुगलले शानदार जित हात पारेको छ । बुधवार राति भएको खेलमा पोर्चुगलले स्विडेनलाई ३–० गोल अन्तरले पराजित गरेको हो ।
कप्तान क्रिस्टियानो रोनाल्डो बिना मैदान उत्रिएको पोर्चुगलले स्विडेनमाथि शानदार जित दर्ता गर्यो । कोरोना भाईरसको संक्रमण देखिएपछि रोनाल्डो एकान्तवासमा गएका छन् । पोर्चुगल आफ्ना कप्तान बिना मैदान उत्रिएको थियो ।
पोर्चुगलको जितमा बर्नार्डो सिल्भा र डिएगो जोटाले गोल गरे । खेलको २१ औं मिनेटमा जोटाको पास सदुपयोग गर्दै सिल्भाले पोर्चुगललाई अघि बढाएका थिए ।
पहिलो हाफको एक मिनेट अघि जोटाले पोर्चुगलको अग्रता दोब्बर बनाए । विलियन कार्भाल्होको पासलाई सदुपयोग गर्दै जोटाले पोर्चुगललाई ३–० को अग्रता दिलाएका थिए ।
अपराजित रहदै पोर्चुगल समूह ए थ्री को शीर्ष स्थानमा रहँदै १० अंक जोडेको छ । स्विडेन अंक विहिन हुने रेलिगेशनमा पर्ने निश्चित बनेको छ ।
- एजेन्सी
यो खबर पढेर तपाईलाई कस्तो महसुस भयो ?
प्रतिक्रिया