काठमाडौं । सभामुख अग्निप्रसाद सापकोटाले प्रतिनिधि सभा सदस्य सानु सिवा पहाडीको निधनप्रति दुख व्यक्त गरेका छन् ।
सांसद पहाडीको उपचारको क्रममा काठमाडौंको केएमसी अस्पतालमा ५८ वर्षको उमेरमा निधन भएको हो ।
सभामुख सापकोटाले सांसद पहाडीप्रति श्रद्धाञ्जली अर्पण गर्दै परिवारजनप्रति सम्वेदना व्यक्त गरेका छन् ।
संस्कृतिकर्मी समेत रहेकी सांसद पहाडीको उपचारको क्रममा बुधवार बिहान निधन भएको हो ।
उनी सत्तारुढ दल नेपाल कम्युनिष्ट पार्टी (नेकपा) को तर्फबाट समानुपातिकतर्फको संघीय सांसद हुन् ।
उनको स्वास्थ्य समस्या थप जटिल बन्दै गएपछि काठमाडौंको केएमसी अस्पतालमा उपचार भइरहेको थियो ।
उनको केही वर्षअघि मिर्गौला फेरिएको थियो ।
यसअघि प्रधानमन्त्री केपी शर्मा ओलीले समेत उनको निधनप्रति दुख व्यक्त गरेका छन् ।
यो खबर पढेर तपाईलाई कस्तो महसुस भयो ?
प्रतिक्रिया