आकस्मिक बाहेकका बिरामीहरुको अप्रेशन नगर्न मन्त्रालयको निर्देशन

काठमाडौं । काठमाडौं उपत्यकाका अस्पतालहरुलाई आकस्मिक बाहेकका अप्रेशन नगर्न सरकारले निर्देशन दिएको छ ।

स्वास्थ्य तथा जनसंख्या मन्त्रालयको नियमित पत्रकार सम्मेलनमा प्रवक्ता डा जागेश्वर गौतमले सरकारले आकस्मिक बाहेकका अपरेशन नगर्न निर्देशन दिएको बताए ।

देशभर कोरोना संक्रमितको संख्या बढेसँगै स्वास्थ्य मन्त्रालयले त्यस्तो निर्देशन दिएको हो । कोरोना संक्रमितको संख्या बढेसँगै अस्पतालहरुमा आईसियू र भेन्टिलेटर वेडको अभाव देखिन थालेपछि मन्त्रालयले त्यस्तो निर्देशन दिएको हो ।

प्रवक्ता गौतमका अनुसार आकस्मिक बाहेकका बिरामीहरुको अप्रेशन नगरिनाले तत्कालका लागि केही हदसम्म आईसीयू र भेन्टिलेटर वेड पाउन सहज हुने भएकाले त्यस्तो निर्देशन गरिएको हो ।