काठमाडौं । यूईएफए नेसन्स लिग फुटबलमा बेल्जियम पराजित भएको छ । आइतवार राति भएको खेलमा बलियो प्रतिद्वन्दी इंल्याण्डले बेल्जियमलाई २-१ गोल अन्तरले पराजित गरेको हो ।
घरेलु मैदानमा एक गोलको अग्रता उल्टाएर इंल्याण्डले जित निकालेको हो । खेलको १६ औं मिनेटमा लुकाकुले पेनाल्टीमा गोल गर्दै बेल्जियमलाई अग्रता दिलाए ।
तर, खेलको ३९ औं मिनेटमा रासफोर्डले पेनाल्टीमा गोल गर्दै इंल्याण्डलाई खेलमा फर्काए । त्यसपछि खेलको ८५ औं मिनेटमा माउन्टले गोल गर्दै इंल्याण्डलाई २-१ को जित दिलाए ।
जितसँगै इंल्याण्ड लिग ए समूह २ को शीर्ष स्थानमा उक्लिएको छ । इंल्याण्डले ३ खेलमा ७ अंक जोडेको छ । दोस्रो स्थानको बेल्जियमले २ खेलमा ६ अंक जोडेको छ ।
- एजेन्सी
यो खबर पढेर तपाईलाई कस्तो महसुस भयो ?
प्रतिक्रिया