राजस्थानसँग हैदराबाद ५ विकेटले पराजित

काठमाडौं । आईपीएलको १३ औँ सीजनको २६ औँ म्याचमा राजस्थान रोयल्सले सनराइजर्स हैदराबादलाई ५ विकेटले पराजित गरेको छ ।

निर्धारित ओभर सकिन १ बल बाँकी छँदा ५ विकेट गुमाएर राजस्थानले जित निकालको हो ।

हैदराबादले दिएको १५९ रनको लक्ष्य राजस्थानले १ बल बाँकी रहँदा १६३ रन बनाएर जित निकालेको हो ।

डेभिड वार्नरको कप्तानीमा रहेको हैदराबाद अंकतालिकाको ५ औँ स्थानमा रहेको छ । हैदराबादले यो सीजनमा ६ म्याच खेलेको छ । जसमा ३ मा जीत र तीनमा हार व्यहोरेको छ ।