कोरोना संक्रमित हुनु भगवानको आशिर्वाद भन्दै चीनलाई अमेरिकी राष्ट्रपतिले दिए चेतावनी !

काठमाडौं । अमेरिकाका राष्ट्रपति डोनाल्ड ट्रम्पले चीनलाई फेरि एक पटक चेतावनी दिएका छन् ।

ट्रम्पले कोरोना महामारीका लागि चीनलाई फेरि जिम्मेवार ठहर्याउँदै चीनले संसारसामु जे पनि गरेको छ, त्यसको लागि महंगो मूल्य चुकाउनु पर्ने बताएका छन् ।

अमेरिकी राष्ट्रपटि ट्रम्प यसबेला आफू पनि कोरोना संक्रमित छन् ।

देशलाई सम्बोधन गर्दै ट्रम्पले कोरोना महामारी चीनको गल्तीले विश्वमा फैलिएको र यसको मूल्य चीनले चुकाउनु पर्ने बताए ।

उनले भने, ‘यो अमेरिकाको गल्ती होइन चीनको हो, यसको मूल्य चीनलाई महंगो साबित हुनेछ ।’

साथै एक भिडियोमा राष्ट्रपति ट्रम्पले कोरोना संक्रमित हुनु ईश्वरको आशिर्वाद भएको बताएका छन् ।

उनले भने, ‘मैले रेजनरोन औषधि सुनेको थिएँ, मानिसलाई लिनको लागि सल्लाह दिइएको थियो, यसको मेले पनि सेवन गरे, यो अविश्वसनिय थियो, यसले राम्रो काम गर्यो ।’

एजेन्सीको सहयोगमा