अन्तिम तीन ओभरमा कोलकताले मार्यो बाजी, चेन्नई १० रनले पराजित

काठमाडौं । आईपीएलको १३ औँ सीजनको २१ औँ म्याचमा कोलकता नाइट राइडर्सले चेन्नई सुपरकिंग्सलाई १० रनले हराएको छ ।

आबुधाबीमा भएको खेलमा टस जितेर पहिला ब्याटिङ गरेको कोलकताले निर्धारित २० ओभरमा १६८ रनको टार्गेट दिएको थियो ।

जवाफी ब्याटिङ गरेको चेन्नईले ५ विकेटको क्षतिमा मात्र १५७ रन नै बनाउन सक्यो ।

कोलकताका ओपनर राहुल त्रिपाठीले ८१ रन बनाएका थिए । उनले नै खेलको म्यान अफ दि म्याच पाएका थिए ।

१३ औँ ओभरमा चेन्नईको जित नजिक पुगेको थियो ।

त्यसबेला वाट्सन आउट हुन पुगे । त्यो नै मयाचको टर्निङ प्वाइन्ट बन्यो । योसँगै चेन्नईले यो सीजनमा ४ वटामा हार व्यहोरेको छ ।चेन्नई ४ प्वाइन्टका साथ पाँचौँ नम्बरमा रहेको छ ।