नाजिरले साइन गरे नयाँ फिल्म

काठमाडौं – केहि समय अघि ‘हुतुतु’ चलचित्र साईन गरेका नायक नाजिर हुसेनले अर्को एउटा चलचित्र साइन गरेका छन् ।

लकडाउनपछि लगातार म्यूजिक भिडियोमा व्यस्त भएका नाजिरले सेलिब्रिटी नेपालको ब्यानरमा बन्ने नयाँ चलचित्र साइन गरेका हुन् ।

यो चलचित्रमा पटकथा तथा संवाद यम थापाको रहनेछ ।

सामाजिक कथावस्तुमा बन्ने चलचित्रको नाम, निर्देशक र नायिका भने फाइनल भइसकेको छैन ।

फागुनबाट चलचित्रको सुटिङ सुरु हुने योजना रहेको निर्माता रघुनाथ सापकोटा बताउँछन् ।