शाहरुख खान परिवारसहित आईपीएल हेर्न युएई पुगे, खेलमा आईसीसीको नियम तोडियो (फोटोसहित)

काठमाडौं । आईपीएलको १३ औँ सीजनका १२ औँ म्याच धेरै स्लो देखियो । यसमा मात्र बलरहरुले नै कमाल गरे । ब्याट्सम्यान भने क्रिजमा त्यति खुलेर चल्न सकेनन् ।

म्याच हेर्नको लागि कोलकता नाइट राइडर्सका मालिक तथा बलिउड अभिनेता शाहरुख खान पनि स्टेडियममा पुगेका थिए ।

कोलकताले राजस्थान रोयल्सलाई ३७ रनले पराजित गरेको छ । साथै टिभीमा दर्शकले कोरोनाको नियम पनि तोडिएको देखे ।

कोरोनाका कारण आईसीसीले बलमा थुक लगाउन निषेध गरेको छ ।

हरेक पारीमा टीमले थुक लगाएपछि दुई पटक चेतावनी दिइन्छ । तर पनि मानेनन् भने ५ रन अर्को टिमको खातामा जोडिन्छ ।

उथप्पाले पहिलो पारीको तेश्रो ओभरमा सुनिल नरेनको क्याच छोडेपछि बलमा थुक लगाएका थिए ।

उनी कोरोनाको नियम तोड्ने आईपीएलका पहिलो खेलाडी बनेका छन् ।

एजेन्सीको सहयोगमा