काठमाडौं । कारबाओ कपको चौथो चरणको खेलमा टोटेनहेम हर्ट्सपरले जित हात पारेको छ । मंंगलबार राति भएको खेलमा टोटेनहेमले पेनाल्टी सुटआउटमा चेल्सीलाई पराजित गरेको हो ।
निर्धारित समयको खेल १–१ गोलको बराबरीमा सकिएपछि निर्णय पेनाल्टी सुटआउटमा गरिएको थियो । चेल्सीले १९ औं मिनेटमा टिमो वार्नरको गोलमा अग्रता लिएको थियो ।
खेल सकिन ७ मिनेट अघि इरिक लामिलाले गोल गर्दै टोटेनहेमलाई खेलमा फर्काएका थिए । पेनाल्टी सुटआउटमा टोटेनहेम ५–४ ले विजयी भयो ।
चेल्सीका मासन माउन्ट पेनाल्टीमा गोल गर्न चुकेका थिए । जितसँगै टोटेनहेम प्रतियोगिताको क्वार्टरफाईनल प्रवेश गरेको छ ।
- एजेन्सी
यो खबर पढेर तपाईलाई कस्तो महसुस भयो ?
प्रतिक्रिया